Papatisoga Mo E Ua Oti

From MormonWiki

Papatisoga mo e ua Maliliu

O le Papatisoga mo e ua Maliliu, po o le Sui Papatisoga o le auala lea mo i latou na le mauaina se avanoa tatau e talia ai Keriso a o ola e mafai ai on maua le avanoa e papatiso ai.
O mataupu faavae a le Ekalesia a Iesu Keriso o le Au Paia o Aso e Gata Ai (Mamona) e a’oa’o atu o le papatisoga o se sauniga tatau e toe foi atu ai i le Tama Faalelagi. E le manaomia ona na ona fai o le sauniga, ae ia faia i le ala tonu ma i le pule a le perisitua a Keriso.
“ E talu ai ona e le mauaina uma e e oi le lalolagi le avanoa e talia ai le talalelei i lenei olaga, ua tuuina mai ai e le Alii le aia e faia ai sui papatisoga mo e ua maliliu. O le mea lea, o i latou e talia le talalelei i le lalolagi o agaga e mafai ona agavaa e ulu atu i le malo o le Atua. (tagai i le Taiala mo tusitusiga Paia) O le tasi mea e ao ona faamalamalama manino e uiga i le papatisoga mo e ua maliliu o le pe a maea ona faia o le sui papatisoga mo ia tagata, e ia i latou le faitalia e talia pe tetee ai. E leai se mataupu a le Ekalesia a Iesu Keriso o le Au Paia o Aso e Gata Ai o fai atu ai i le ua sui papatisoina ia talia lenei sauniga. E ui i lea, o le faia o papatisoga mo e ua maliliu ua tuuina atu ai i a i latou sina mafai e fai ai se filifiliga.
O Papatisoga mo e ua maliliu e na o malumalu sa e faia ai. Na faamatalaina e le Aposetolo o Mark E Petersen lenei manaoga.

Ua avea lava le faatanoa mo papatisoga ma ogatotonu o lagona ootia i aso uma. O loo i totonu o malumalu sa taitasi uma lenei faatanoa ua faataatiaina i luga o papatua o povi auro e sefululua, e mulimulitui ai e tusa o isi faatulagaga faapitoa i le ata faaa’oa’o na tuuina mai e le Perofeta o Iosefa Samita a o ona ia a’oa’oina atu le fausiaina o malumalu sa a’o soifua mai le taitaiga a le Alii. Aisea ua iai ai se faatanoa mo papatisoga i totonu o malumalu sa ¿ Ele mafai ea ona papatisoina tagata i soo se mea? Ioe, e mafai mo e o loo soifua. Ae peitai o le faatanoa i le malumalu sa e faia ai sui papatisoga mo e ua maliliu.(Mark E.Petersen , “Aisea Ua Tatou Fausia Ai Malumalu Sa,” Oct . 1980. 34)

O le Papatisoga mo e ua maliliu o se sauniga lea sa faia e pei ona o loo i le talafaasolopito o le ekalesia a Keriso. I le 1Korinito 15: 29 fai mai, "A faapea, pe faapefea e ua papatisoina ma sui o e ua oti? Afai e moni, e le toe tutu e ua oti, ona o le a ea ua papatisoina ai i latou ma sui o e ua oti?"

Ua a’oa’o mai e lenei faamatalaga ni a’oa’oga se tele i ni fuaiupu pupuu. O le Atua amiotonu ma faimeatonu na te le faasalaina le miliona o tagata sa ola i le lalolagi o e sa le mauaina le avanoa e a’oa’o ai i le talalelei ma le papatisoga. “ Na tautino mai e le Faaola lava ia o ia o le Atua mo e o loo ola atoa ma e ua oti, ‘ aua ua ola uma ia te ia. [Luka 20: 38], e aliali mai ai lona finagalo mo tagata uma i lea lava malamalama.” O le papatisoga mo e ua maliliu ua avatua i a i latou o e semanu e talia Keriso ma Lana Ekalesia le avanoa e fai ai ina ua mavae le oti. Na faaauau ona faamanino mai e Elder Mark E. Petersen lenei mea moni:

O tagata o e ua maliliu ae le’i a’oa’oina le talalelei e ono mafai ona faaolaina i luma o le Atua. O loo faamaninoina i tusitusiga paia. Peitai e faapefea? O le fesili lena. Na tala’i Iesu i e ua maliliu. Na a’oa’o atu lea mea e le Aposetolo o Peteru i ona aso, fai mai ina ua uma ona maliu le Faaola, ma a o taatia lona tino i totonu o le tuugamau, na afio atu le Alii, o se agaga, i le nofoaga o agaga o e ua maliliu ma tala’i atu ai i a i latou o e na muai nofoia le lalolagi. (1 Peteru 3: 18-20). Ona ia ta’uina mai ai lea i a i tatou le ala o lea talaiga: “ O le mea lea na folafola atu ai le talalelei i e ua oti, ina ia faasalaina i latou i le tino i la tagata, a e ola ai i le agaga i la le Atua (1 Peteru 4: 6).

Na faapupula atili mai e Elder Petersen a’oa’oga mai nei fuaitau:

1. O Iesu o se Peresona o i la’ua uma o le agaga ma le tino, e pei o i tatou uma lava.

2. Ina ua afio atu Iesu i le nofoaga o e ua maliliu, sa na o ia lava, na o le toatasi, le lotomaulalo, “Kamuta mai Nasareta,” e ui ina o se agaga na alu ese mai lona tino o aano ma ivi lea sa faasatauroina.

3. O e ua maliliu-e oo foi i a i latou na maliliu i le lolo-faapea foi ma tagata atamamai, o tagata taitoatasi lava, e ui oni agaga faapei o Iesu lava ia.

4. O e na maliliu sa latou umia pea a latou mafuaaga ma agavaa na latou mafai ai ona malamalama i le talalelei pei lava o tagata o loo ola i le tino nei e ui ina sa ola i latou i le lalolagi o agaga, ma e sa latou ola ai ma mataala ma e na mafai ona faaaoga la latou faautautaga e taliaina pe teteeina ia a’oa’oga a Keriso.

5. Na a’oa’oina e Iesu i latou i le talalelei, o lo latou avanoa lea mo le faaolataga.

6. Pe afai sa latou faalogo i le talalelei, na mafai ona latou taliaina pe teteeina foi ma o le a faapea ona “ faamasinoina ai e tusa lava ma tagata sa mauaina le talalelei i le olaga faaletino.” Pe afai na latou taliaina le talalelei ua mafai loa ona “ ola e tusa ma le finagalo o le Atua i la le agaga,” pei lava ona ta’u mai e tusitusiga paia.